بسم الله الرحمن الرحيم

السلام عليكم و رحمة الله وبركاته

احبتي في الله

كنت كتبت موضوع في مدونتي التانية وقلت ان كله بيصب في بوتقة واحدة ماقلنا بلاش بوتقة دي

 طب خلاص انا خلتها سكة واحدة

هي سكة غياب او انعدام الدين وربنا يرحمنا برحمته يا جماعة موضوعي اللي عاوزة اتكلم فيه مضايقني على الاخر ومحزني لان امتنا مش ناقصة بلاوي اكتر من البلاوي اللي بتتحدف كل يوم والتاني ايه البلوة الجديدة بقى اقولكم الحاج جمال البنا  اااااه ييييييييييييييييييييييه تاني للاسف

تاني وتالت وعاشر

 انا مستغربة من الراجل دة عمره جاوز التمانين و بيدور على ايه وليه ويا ترى هوة مقبضينه عشان يقول كل يوم والتاني حاجة يقرفنا بيها المهم مش دة موضوعي موضوعي هوة الثورة اللي بتحصل من وراه هو وغيره من اللي بيغلط مثلا في كلامه ويقول اويستشهد بحديث ضعيف ولا يقول كلمة كدة ولا كدة او يقول تشبيه مش ولابد لصحابي ولا حاجة بتلاقي الدنيا تقوم وما تقعدتش ويفضل الدعاة والعلماء يجرحوا في بعض وتوصل للشتيمة والتشهير وووو والامثلة كتير واخرها اهو الحاج البنا مع علماء الازهر

طبعا  انا ضد اي حد عالم كبير ةلا مش كبير ولا كاتب ولا مبيكتبش انه يسب في صحابة ولا اي حاجة تخص علامات الدين لكن اللي عاوزة اقوله و المشكلة  هوة ازاي لما يحصل غلط ولا حاجة من واحد عالم ولا كاتب ولا مفكر محسوب على الاسلام ازاي نقدر نصحح الغلط دة والموضوع ما يخدش اكبر من حجمه

من غير  ما نخلي دة يتقلب عكس مصلحة امتنا وبتشوف غير المسلمين يقولك بص شوف بتعملوا ايه شفت فلان قال الرواية الفلانية اللي هي الضعيفة وتلاقيهم يستشهدوا بيه وتيجي تصحح معلومته يصم اذنه وكانه ما بيسمعش وممكن يقولك حلوها ما بينكوا الاول زي بالضبط ما حصل في الضجة بتاعت حديث رضاع الكبير الحل في كلمتين ونص ورغم انه اتقال ميت مرة لكن اعداء الدين يستشهدوا بضجة اختلاف العلماء وتقاذف الاتهامات بينهم وبين بعض ودة يقول على التاني دة ما بيفهمش ما تسمعوش ليه والكلام اللي لايودي ولا يجيب وكله بيصب في مصلحة اعداء الدين على حساب دينا وتلاقي بقى واحد زي زكريا بقلظ يطلع له صوت ويجيب حلقات طبعا ناقصة ومقصوصة على مزاجه يبث من خلالها السم للناس ودة بسبب الاختلاف والتناطح بين العلماء يا ناس الحل سهل جدا جدا فيها ايه لما يكون عالم غلط ولسة لم يكتشف  الخطأ دة وحد تاني اكتشفه ان التاني يكلمه الاول ويراجعه ويتداركوا الخطأومن نفس المكان اللي حصل فيه الخطأ يعلن التصحيح ودة مش عيب  دة سيدنا عمر نفسه راجعته سيدة واعلنها وبنقولها لحد النهاردة اخطأ عمر  وصدقت امرأة ولو مش هيصحح يبقى الازهر يمنعه من الظهور ويصدر التصويب وننتهي لكن نقدم لاعداء الدين  بيضة مقشرة ويقعدوا يتفرجوا علينا ليه بس مش حرام زي بالتمام والكمال اللي بيحصل بين فتح وحماس طبعا همة ياكلوا في بعض ويقتلوا بعض واسرائيل بتتفرج وموفرة رصاصها ما الجهتين قايمين بالواجب  فين العقل هنا بس  ايه اللي بيحصل دة حرام دة ولا مش حرام الامة بتنزف ونفسي حد يوقف النزيف دة

نفسي فعلا الدين العظيم دة يكون له رجال بحق يدافعوا عنه عشانه لان دين عظيم مش علشان يشتهر والتاني يبقى احسن مش علشان السلطة ولا اي مجد شخصي لان اسلامنا دين عظيم يستحق يكون له رجال

اللهم ارفع راية الاسلام والمسلمين

اللهم اهلك اعداء الدين

اللهم وحد كلمة المسلمين

اللهم اجعل كيد اعداء الدين في نحرهم يا ارحم الراحمين